美味的生日Lunch Buffet

 

Ms E 一早為我安排了今日的生日 Lunch Buffet------尖沙咀美麗華酒店新開了一間主打自助餐的高尚食府 (Yamm) , 聞說非常難 book，終於有機會一試其自助午餐，一進入餐廳， 已經被那高檔的設計嚇一跳，以黑色為主的佈置，那裡的桌椅一點也不擠迫，可以要求安排 Sofa 椅，很有空間感；那裏的waiter、waitress都很養眼，男的有部份似 Body-guard、女 reception 似空姐---樣靚身材好，會向你介紹一下他們的自助午餐．吃那麼多次 buffet 還是第一次，有質素的食市！

 

跟着waiter 捧來一籃麵包，是法國式的，非常美味！

 

前菜 / 冷盤: 最喜歡冷海膽豆腐用上黑芝麻豆腐, 夠滑！好特別！沙律都不錯！
生蠔雖然細隻，好有蠔味！很新鮮！Para ham 也不錯！芒果帶子沙律好味！

 

若要吃日式的，便要向waiter order, 然後廚師就即刻做，保證新鮮！每款都試過了，食物質素高！
刺身壽司卷物亭: 是日的五個選擇還是係三文魚、吞拿魚、帶子、油甘魚及北寄貝，一句講：好新鮮！

 

天婦羅亭: 四個選擇係: 鮮蝦, 日本冬菇, 長茄子, 日本南瓜，但我只 order 鮮蝦，連續三次就知正啦！

 

鐵板燒亭及爐端燒亭：都 OK 啦！

 

熱盤的牛柳都好得！

 

最好味是甜品：一早預了空間吃甜品, 就將精緻的甜品每款都嘗過， 當然要吃朱古力 mousse、 層次鮮明的綠茶奶凍、綠茶味濃郁、Jasmine 味的果凍杯，賣相味道也令人滿意.  好喜歡！是日雪糕除了士多啤梨之外, 仲有薑味, 特別有口感，好味到不得了！

Overall，食物質數係中上、環境及服務好，價錢抵 $208/person + 10% charge！

 

點解得咁少相，影兩張就無電，激死囉！

 

多謝晒Ms E 的安排！多謝這美味的一餐-----又全日飽！

生日快樂！