快靚正晚餐

 

返新工剛好一星期，在一個不熟悉的環境下工作，做「細佬」的工作......Escort.........好攰！又要儘快記熟日常運作，又要記 Case 及 洞悉各 Staff 的特性。

 

今日還要OT ，放工從速買餸煮飯！

是日只得一味----西芹炒魚鬆

 

 

湯當然唔煲啦！這個湯券在自己的工作總部買，$245 for 10，有400ml，好 Con 又無味精，好味！

 

今晚是花膠嚮螺煲西施骨，連杯都有埋，飲完湯當飯碗，碗都唔駛洗！懶人最佳選擇！

 

行山 ballet shoes

我又買新鞋啦！

 

好靚的平底 ballet 款的鞋，黑色喱士襯紫紅色，好似晚裝或內衣-----Sexy Ballet shoes！秋冬款有 85 折！

 

還有這對豹紋 Ballet ，都幾靚！有 7 折喎！所以買囉！

 

我返新工要上山、下山，不能著 high-heel shoes，又不想日日 Sneakers，所以買兩對新鞋返工！

 

大部份的同事都是揸車上山，又或是電召的士。我不太熟悉新同事又不想惹誹聞，返工可搭小巴上山，但放工就要行山路下山，晚上好黑好驚！不敢向後望，但草叢又有動物移動的聲音，只有急急跑下山，又怎能著 High -heel 呢？

 

1 個價錢 4 種享受

 

 

由農歷新年後，時常缺貨的 Yogurt Snack Bar 。

 

要預留才能買到，有我喜歡的 4 樣食物---Yogurt, Almond, Apricot & Mango ，一個價錢同時可享受 4 種美味的食物，扺晒！

 

但朋友話貴喎，$18 可以食到個早餐！

 

真係好好味的 ，好味到停唔到口！

元朗意大利餐廳

這間餐廳歷史悠久，相信超過 30 年，昨晚與 Ms E 這裏共進晚餐。

有鍾意的紅白格仔枱布，好傳统的餐廳感覺！

脆皮好味的餐包！

這是我的六成熟的牛柳，但好像九成熟一樣 "鞋"！

手震但好味的牛尾湯！

還有一杯無茶味的熱 0 茶！

$100 找 $1 的晚餐！

無限想象空間

你話這個 View 值幾多錢？假若你層樓是面向這個向南景，相信一定價值不菲！

 

哈！這就是我新工作地方個 View，夢寐以求的海景 View，Conference Room 還可看到飛機在雲層飛翔，開 Morning meeting 可夢遊，勁正！

 

如果用支「小白 IS」來影雲層飛機，不知 work 與否？一邊開會就一邊想着，又想遲 D 一定要帶支 11mm 來超廣角一番，這裏開會確有無限想象空間！爽！

 

「返來啦！」就這樣地間歇性不斷提醒自己。

 

 

 

延年益壽

 

返了兩日 9/5，好攰！攰的原因並非工作量，基本上是這裏走走，那裏看看的 Orientation Programme，花精神應酬那、回應某，大部份的同事都熟悉，都能講出我以前的往事，有些記得、有些已遺忘，但都是哈哈大笑作回應。

 

這裏的外觀、裝修、設施、配套都十分殘舊，更衣室和士多具然可以合為一體，還要男女共用，Locker 超細兼無得掛衫，夏天濕透的衫可掛在那裏？救命！厠所更是男女共用兼無洗手盆，好尷尬的設備。做了大機構多年，我相信要一段時間適應！

 

人事上，老老世是一個非常自我的男人，一切的行政、運作以自我決策為要，不接受其他人的意見，又經常病假，一個月只返幾更，但一切事又要留待他決定。老世是我的舊同事，言語間對老老世很多不滿，但只是 Passive Aggressive，即「敢怒而不敢言」。其他的同事，pretended？appeared to be very nice！

 

工作量，超筍！Case 正！由於欠缺設施，一切從簡，簡到可以唔做都得！Hea 到暈！上手那個男同事，離譜到咩都無做就話交比我，我再三追問就支吾以對，借故走人！

 

怪不得另類專業話：這裏的人握着塵拂做人，每日都是拂來拂去做事，可以延年益壽！

 

整體來說，這裏硬件不太好，但軟件好----唔駛做太多admin、management 嘢，工作量少，壓力相對少，可否延年益壽呢？

變 SA?

 

赤柱廣場有間酒窖，有部份的酒比 Supermarket 還要便宜差不多 $100 ，好平！

但都係貴，除非開 Party 啦！多幾個人就可一次飲清，不會漏氣啦！

但啲酒太吸引，我又買了兩技！

紅色這支係智利出產的荔枝味酒--$58！白色這支澳洲白酒，味道帶西柚檸檬香，話入口清新果香十足，適合炎夏飲用---$80！好想啲試！

 

朋友話我啲就變 SA-------每個 SA 初期都是這樣！

咩叫SA？ Substance Abuse 之 Alcoholism！

赤柱行

 

 

已經有好幾年無到過赤柱，今日與峰峰媽、好朋友、Ms E 入赤柱，咩話補祝我生日？上個月中咪食左啦！其實都是揾個理由出來行下兼送峰峰妹返寄宿學校。

 

1400 先到美利樓食個又 Lunch + Tea Buffet，呀 Waiter 叔叔話可以由 1400 食到 1700 ，即 Lunch 同 Tea 時間都橫挎，收費 $168/person，妹妹半價添！

↓咪就係這間德國餐廳囉！

入到去，好有德國 Feel，好鐘意個樓底！

但座位就好迫下，勝在裝修同氣氛好！

Waiter 問：介唔介意坐户外？我就一定唔掂！唉！我是超級怕熱鬼！啲外藉人士就鍾意晒太陽兼可看靚 View。

個 View 望海→→→→赤柱卜公碼頭

好多德國啤酒杯，最大一個放門口位，好靚！

↓Lunch 與 Tea Buffet 的分別是有德國豬手Order，第一啖好脆、好好味，我話：「嘩！好味到不得了！」Ms E 話：「誇張啦你！」但第 2 round 就無咁好味啦！因為我飽囉！

我們真是 hea 到 1700 離開，然後送妹妹返寄宿學校。

沿途有很多露天餐廳，好似身處外國咁！

赤柱大街

行下行下！我又滿頭大汗，我想我前世係苦力嚟，點解我咁大汗？好不容易才到學校啦！

這是女宿

F.1 仔----所以 4 人一房，4 個小妹妹，天真、活潑、可愛，古靈精怪，經常大笑，可感覺到完全沒有憂愁、煩惱！令我們回想 N 年前的宿舍生活！

地方很大，連 Church 都有！

這就是學校的校園！

你估邊對鞋係我？咪↙囉！

 

出回大街，已是收檔的時間。

黃昏的美利樓及卜公碼頭

好攰啦！明天又要返新工！

願工作愉快！