So Good 晚餐

 

近期，最愛看的電視節目 So Far 蘇 Good，喜歡呀蘇的寸咀及烹調餸菜的技巧，每晚必定坐定定睇完才 on line。

 

今日，身體力行煮呀蘇教的「涼瓜炒牛肉」。

呀蘇話揀苦瓜要揀似「雷公鑿」，瓜枕要夠大，這樣就唔苦。行均成個街市，最平最靚 "7 蚊一斤"，就買兩個，剛好 1 斤，再買 20 蚊牛肉。

 

 

So Far so good 的涼瓜炒牛肉，依足程序，忘記用清鷄湯，ok 好味啦！有待改進！咸些會更美味！

 

 

意外驚喜是今次煎紅衫魚終於成功無黐鑊，好叻呀！

幾掂！本來想買過隻鑊，現在可以慳番。解決方法是我早幾日開始同隻鑊搽油，好似自己搽面霜咁，Maintenance 果然有效...Yeah！

 

 

兩條魚就煲「番茄薯仔紅蘿蔔魚湯」，好好味！

 

 

另一條是明天番工晚餐的 meal box-------你睇！一晚的勞動可受惠三餐( 2 個晚餐+ 1 個午餐) 幾划算！