唔好問點解

 

在新的工作環境過了兩星期，一切都安好。凡事都是問、凡事都要試、凡事都要實習或刻意記下，才會懂得怎樣做。同事們的態度都很友善，常常不厭其煩為我解答疑難，有時還私人相贈一些不死錦囊…………

 

Mr. T：你隻杯唔好亂放電腦枱？ 老老世心情差，見到會發睥氣！

 

我:：我頭先放係個 Mon 隔離，都無阻住佢做嘢，佢都立刻要移開。

 

Mr T：佢唔掉左你，咪比面你新，唔知頂囉！佢見你個杯有名，唔係叫清潔拎走。

 

Ms M：我上次放個麵包，咬左一啖！佢心情唔好，一入來塊面就黑，鬧邊個放啲垃圾係到，叫清潔掉左佢！

 

Mr T：你隻杯可隨處放，但電腦枱就唔好放，老老世一入來，就要立即清場讓位。

 

Ms M：老老世唔舒服，見佢面紅紅—皮膚病，就最好閃！

 

Mr T：你唔醒目，佢就小你---遲啲佢就捉你入房，閒閒地小你 2 粒鐘！你記住早更要開 E 貓睇，重要的貓要 print ，記住記住用廢紙 print，要廢、有咁廢得咁廢的紙，但又不可放廢紙入 printer 內，要 hold 住一張張咁 print，明未？

 

我：點解？

 

Mr T：唔好問點解，無得解？

 

Ms M：遲啲你就知，都唔明佢間歇性就發癲！出面啲人都怕左佢，無人攪佢！

 

我：咁未好囉！無人蝦？

 

Ms M：佢一唔係到，我地啲人手就比人買，好鬼呀！

 

今日，老老世一入來就問 case，討論了一輪，就教我 management skill----style，approach，attitude，method, technique…….

 

總括：要下屬知道你既底線，所有的 junior 都是「賊佬試砂煲」，不斷測試你旣底線。新來做 I/C，一切都要嚴謹，先嚴後鬆才易於管理，否則日後難於監管，無人聽你駛！

 

 

是否有理無理得閒黑下面，發下老脾呢？？？