Family Gathering 後感

 

 

家姐前天從澳洲返回來，哥哥全家又放假，我今天又是 day off，當然又是回娘家吃飯的日子啦！

 

每次都是嘈嘈吵吵，你講一句我又講幾句，呀媽永遠很少細聽我們講咩？一於我們有我們講，而佢有佢講，好有趣的場面。

 

家姐剛從澳洲参加呀仔大學畢業禮，將 SD Memory Card 插入哥哥的新 notebook 上看，家姐忙於介紹相片，呀媽又忙於講自己十年前的澳洲之旅，一於你有你講，佢有佢講，我和呀哥交換眼神，然後問呀媽：「你知唔知頭先張相係邊度影？你外孫拎住啲咩？」呀媽又點會答得到，通常都亂講一通，又鬧我們當佢老人痴呆，我們當然又大笑一場。就這樣喧喧鬧鬧，享受了一頓豐富的晚餐。

 

爸爸和我相似的地方，都是一個超級為食鬼，最喜歡食嘢，但可惜有糖尿病，所以無論飯餐及零食都要節制，有時覺得難為了他，偷偷買零食餅乾比他，但又要勸他不要過量，他總是叫我放心。

 

每次都令我想起小時候與他逛國貨公司飲朱江橋牌鮮奶，然後到超級市場買盒裝能得利果汁橡皮糖 ，是我小時候的至愛，每粒都是生果造型，煙靱有口感。我最愛吃黑加侖子及橙味，當年真的把那盒糖當成寶，未吃完的話，會珍而重之收藏好。但可惜盒裝己停售多年，令人回味的情景及零食。

 

可否再復刻生產盒裝能得利果汁橡皮糖呢？