談升職

今早看報紙，又見到有同行自殺---割腕危殆，留書是工作壓力大，不想生存。需然互不相識，但總算曾在同一屋簷下工作過，感覺不好受！希望她可以早日康復！

 

又令我想起早兩天與經理談話，言談間到升職的問題……..

 

經理：你都應該是時候準備升主任囉！

 

我：我現時都末有心理準備，現在升職太大壓力，三年合約，若成績未達標便要還原。面試都很大挑戰、旣要有媽士打入場劵；又要寫2000 字 action plan，我暫時都未有準備。

 

經理：係時候準備啦！遲啲這裏可能有個主任位！

 

我：有咩？

 

經理：有總經理位……..自然有經理上……主任咪上經理位….應該有一個主任位。你知唔知今次總經理位的 action plan 係咩？

 

我：唔知呀！

 

經理：你老世做咩方向都唔知，我真係信你唔想升！

 

我：係呀！升職太多 criteria 啦！要有媽士打入場劵；Excellent Report；良好的人事關係；現在山頭主義，要對職位有一定的年資，不能有位就得；還要 interview skill 好……..太多嘢！Interview 都是象徵式，心目中都有人選啦！

 

經理：Interview 唔可以幫到你，但可以連累你唔得！如果你當日表現差，你老世點睇你，其他 examiners 都唔放過你。但若你表現得字字珠璣，無老世睇亦是徒然！

 

我：Interview 又無record 你表現如何？有無 bad list 這回事？如果我 absent ，會否 bad list？我同事旅行途中亦特意用幾千蚊買機票趕回來，面試個無咩希望的主任位，好苦心避免日後 bad list 左！

 

經理：我只可以話佢 naive！Record 只係個班 examiners 自己！

 

我：即係見得多只係增加面試經驗，唔能夠加分或比人睇到進步！

 

經理：當然啦！當年凡有經理位我都 In ，我次次都Waiting List ，老世巡房都話我表現好，但今次要女經理，欠官運囉！

 

我：升職太多要求啦！

 

無鬥心、無野心、無志氣又惰懶的我還是喜歡做這個 small potato！樹大有遮蔭的好地方！