木瓜、花生、鷄腳魚尾湯

 

天氣轉凉又乾燥，好想飲一些清潤的湯水，雖然今晚 on night ，但都要到街市買料煲湯。

先買主角木爪$9，好大個！好甜！

 

 

再買花生，這份量約$3

 

 

再到鷄檔買半斤鷄腳$10，千萬不要修甲，否則啲湯會很肥。

但好想同佢上甲油。

 

 

大魚尾$13-----回家首先煎魚

 

 

再切木瓜，花生去衣，鷄腳氽水，然後煲 2 個鐘就成。

 

 

好開心能煲到奶白色的魚湯，好甜好美味！真係好好飲！